A horta do mil::

Resucito este blogue cumha proposta… venda-mos castanhas enlatadas no próximo partido da selecçom. Aqui vemos à típica fosforofa futboleira galega devorando à mascota da selecçom.

Lembrais esse anuncio de “agua mineral natural Cabreiroá”???? pois esta segunda estivem fazendo de zaorí
Praos incredulos direi q si… q funciona. Eu já o tenho feito muitas vezes e nom é nada novo pra mim, é tam fazil como fazer umha mini-forquita em forma de “V”, colhe-la ao reves e ver se gira pra diante ou pra detrás.

Demostraçom empírica é o que há… entom: Sabela, quando quiger eu fago-che a prova…

Polo demais nada novo… cada dia falta menos prao dia 3 (nom é o eclipse o que me preocupa hehe). Um saudo pr*s companheir*s e amig*s que começarom já e que nom se adaptam… já vereis como loguinho vos acostumais =)

Actualizaçom Esquezia: a vara tem de ser de salgueiro obrigado acedre

Esta foto é dos meus amigos Marcos, Jose, David e Manuel (creio que se chama assi). Foi durante a selectividade de Junho.

Esta semana enfrontarom-se á selectividade outros amigos e a verdade e que onte viam-se todos felizes na Hermo hehehe, falta saber se aprovarom ou nom (saberemo-lo em sexta, espero que si… )

Depois dumha semana na caminha a 39.5 ºC e sem net por problemas tecnicos passou o inevitavel: Acavei vendo telenovelas (!!!!). Fazendo esforços sobrehumanos conseguim resistir-me a “Pasión de Gavilanes”, que via o Borja durante o seu periodo de baixa laboral (contou-mo a namorada dele haha); mas nom puidem resistir este exito televisivo: “Amarte así, Frijolito”

Esta semana so tirei fotos do Efferalgan e dos antibioticos heheh, que creio que nom som muito interesantes, entom nom as ponho. O melhor de todo e que agora tenho net . Chamei varias vezes pra que vinhessem arranja-la e até que nom chamou meu irmao nom vinherom… é curioso que todas as telefonistas (castelhano-falantes, como nom) tenhem algo em comum: problemas com a palavra “oito”. Cada vez que dizia eu “oito” tinha-lho que repetir 4 ou 5 vezes… Isso aconteçeu as tres vezes que chamei.

Polo demais todo assim… ailhado. Todos me perguntam se morrim haha.

Bom, agora vou-lhe botar o antibiotico ao bicho, que parez mentira que um bicho de 80 nanometros tenha assim a outro de 1′795 metros.

Que mais dizer??? é o de todos os anos por estas datas.
De pequeno sonhava com que as aulas começassem umha semana antes…

731 dias… 2 anos, um de 265 e outro de 366 (63158400 segundos…). 24 meses em total… 16′5 meses com aulas (8′5 em 1º e 8 em 2º) + 15 dias de nervos pola selectividade.

2 ceias de fim de curso, 1 das 3 clases, outra de 1 soa… 1 viagem de fim de curso, 5 dias se mal nom lembro.

2 companheiras em 2º nas aulas de Humanidades, 16 companheiras que estavam comigo em todas as demais. 3 companheiros que estavam so nalgumhas aulas.

8 companheir*s nas aulas de latim em 1º, 5 na de grego… nom lembro o numero total da aula.

Há que sumar algum professor que estará pensando “oh meu deus!, criei um monstro!” hahah.

731+ 2 + 265 + 366 + 63158400 + 24 + 16′5 + 8′5 + 1 + 8 + 2 + 15 + 2 + 1 + 3 + 1 + 1 + 5 + 2 + 2 + 16 + 3 + 8 + 1 + 5 = 63159884 bilhons de saudades =). Som de letras, mas sei sumar.

Falta pouco pra começar em Compostela, entom hoje vinherom-se-me as lembranças destes dous anos á cabeça… Dous anos em Castro dam pra muito, parezem curtos porque se está com bons amigos, mas depois de fazer numeros podo dizer que forom os melhores. Hoje, depois desta demostraçom da minha demencia senil (18 dam pra muito também) começo a postar algumhas lembranças.

Por suposto: tod*s *s minhas/meus companheir*s de classe estais convidados a fazer-me visitas a SC !!!

Na foto: as minhas companheiras Maria, Nuria e Alicia. Actuaçom de Molella, 18 de Março do 2005.

Hoje vendim umha vaca… nom é que seja umha novidade, mas e que eu medrei junto dela e a verdade é que observei que alguns politicos bem podiam tomar exemplo dela… Tinha talante e sentidinho ao mesmo tempo, todo um exemplo de “rubia galega”.

Bom… creio que queda claro que preciso dum psiquiatra…

Na foto: Tere e Patri no momento da chegada… nom me deixam postar fotos, entom ponho estas nas que nom se lhes ve a cara hahaha.

Bom, este fim de semana foi a Gira em Vilalva… deu pra muito mas nom se pode contar, por desgraça… praos que gostais de saber a nossa vida direi varias cousas como resumo:

Caracteristicas da nossa choça

A nossa choça era pequena e muito escura. Constava dumha mesa com 2 bancos na zona de luz e umha zona chamada “O Picadeiro” formada por umha colcha e varios sacos de durmir (nom entro em detalhes de porque lhe chamavam assim, ja podeis imaginar! Muita acçom xD). Hoje ao lavar o meu saco (que, por certo… nom utilizei eu, nom penseis mal!) aparezerom umhas manchas sospeitosas… eu queria pensar que era oleo das empanadas…

Momentos estranhos que servem pra contar…

-O Picadeiro utilizou-se (além de pràs suas funçons proprias) pra durmir. Hora de levantar-se: O Borja apareze sem cinto e o Victor deitado junto olhando pra ele (o Victor deitara-se noutro lugar á noite haha)

-Sabado de manha: buscamos a choça de meu irmao e perdemo-nos
-Sabado pola tarde: buscamos a choça de meu irmao e perdemo-nos
-Sabado á noite: buscamos a choça de meu irmao e perdemo-nos, aparezemos justo do outro lado do monte (?)
-Domingo pola manha: buscamos a choça de meu irmao e perdemo-nos

-Domingo pola manha: Umha das empanadas que sobraram aparezeu toda fozada… Dessaparezera a metade. Há gente com fome…
-Domingo pola manha: Desapareze a garrafa do vodka

-Domingo pola tarde: Levamos as garrafas sobrantes prà choça de meu irmao pra q as guarda-se. Também iam os dozes da sobremesa. Algo mais tarde apareze gente comendo dozes e chega o Luis (que estava na choça com meu irmao) a convidar-nos… que casualidades…

Há cousas mais interessantes, mas nom se podem contar… achei a minha vergonha (!!!) . Se nom conto as minhas, muito menos as dos demais hehe.

Gastos Variados

-1 lanterna: 10 minutos e parou
-4 garrafas de contido variado: Algumhas desaparezerom misteriosamente, outras levamos-lhas aos amigos de meu irmao
-3 empanadas: comeu-se uma e desaparezeu a metade da outra.
-Muitos metros de cordel: Nom servirom pra nada
-3 lonas: prao q choveu nom se precisavam
-Dozes: A metade comero-nos os amigos de meu irmao hehe

O dia depois

Ontem fumos recolher e limpar todo. Além de passar-nos com as cervejas (ha que deixar-se do vicio pouco a pouco), fumos ver o que levaram outros pras suas choças, por curiosidade:

-As nossas vizinhas de 12 anos:

·Duas garrafas de tequila
·Uma garrafa de Martini
·Uma garrafa de vodka
·Duas garrafas de rom
·Outras 4 ou 5 garrafas que nom lembro…

(me deixarom assustado… nom sei como estam vivas)

-Os vizinhos de meu irmao:

·Sofá e frigorifico

-Outros por alá:

·Varios sofás
·Bauis
·Camas inteiras
·Colchoes

-Os da choça “club”

·Dous televisores
·Duas playstations
·Um cartaz luminoso que punha “club”
·Um equipe de musica

(um autentico hotel)

Bom, isto é todo o que se pode contar… desculpade por ocultar informaçom hahahaha

Hoje estivemos fazendo os ultimos preparativos da choça… estais tod*s convidad*s a vir ao nosso m/hotel hehe . Ao final nom utilizamos fieitos/fentos/felgos, senom que fumos comprar lonas praos lados… nom quedou muito lindo (ja ves Ali, falta a minha decoradora hahaha), mas serve. So falta varrer, levar a mesa, colocar o bidé, instalar o gas natural e por umha cozinha ecomonica “made in Irun”.

Temos um pequeno problema: Nom se ve dentro!!! (nem de dia nem de noite). Isso tambem tem vantagens , mas nom entremos em detalhes, ehemmmm…

“Girarei como a roda do muinhoooo,
girarei nas tuas augas de mulherrr…”

Hoje fumos proseguir as labores de construçom da nossa choça-cortelho prá Gira. Figemos em umha tarde o teito e começamos as paredes. Ao teito falta-lhe a lona, que colocaremos em sexta pra evitar possiveis cambios de destino da mesma. Ás paredes falta-lhes os felgos/fentos/fieitos que vamos atar aos cordeis/cordelhos (aqui cada um chamava-lhe dumha forma diferente a cada cousa e depois nom nos entendiamos…).

“Se nom há infraestruturas, fazemo-las nos”

Hoje, além, era a Gira da Terceira Idade (também chamada “a dos velhos”). Como é inevitavel neste tipo de celebraçons, o churrasco e a ensalada empurram-lhe á comida do dia anterior… o vinho fai inchar a bexiga… e centos de senhor*s buscavam refugio entre as arvores do monte. Em fim… que quedou aquilo como um campo de minas… (estou lembrando um post no Todo Nada sobre a cantidade de cuspe acumulado nas ruas de Valado City hehe, pena que nom o encontrei agora…). A verdade e que tinhamos que fazer esforços pra evitar que esses desaprensivos utilizasem a nossa choça de WC … “nom mijes ai, ho!!!!” e a verdade e que nom conseguimos… grrrrr… Porcos…

Na foto: tipico senhor “pilila-al-viento” expulsando o vinho do almorço a chorro

Desculpade, fotos de movel…