A horta do mil::

Sen comentarios…

Esta é unha das fotos que tirou onte o Pedro na Hermo. Eu non fun… hai exames demais a semana q ven. Son os camareiros da barra do Dekda.
Á da dereita teñolla xurada (creo que foi ela). Resulta que o dia antes do meu aniversario non quixo poñerme un cubata (q nin era pra min, era pro Borja) porq me faltaban unhas horas pra facer os 18… mai q a pariu…
Outro dia tivemos a seguinde conversa filosófica:

EU: Ponme un licor de kiwi
ELA: Non ten alcol
EU: E que?
ELA: Pois iso… non ten alcol.
EU: Xa sei que non ten alcol.
ELA: Entón?
EU: Pois iso… ponmo rápido que teño présa.
ELA: Seguro?
EU: Si ho… acaba axiña!
ELA: Pero non ten alcol…
EU: Que xa o sei! vai ser pra hoxe???
ELA: Está ben… como queiras… pero non é normal.

…15 segundos despois chega o Borja…

BORJA: Oiches… pídeme un licor de kiwi…
EU: Ponme dous
ELA: dous???
EU: Si….

Despois diso xa duvido entre se teño cara de borracho ou non… Primeiro non me quere dar un cubata e despois quere meterme o alcol á vea… Ben, segundo a miña compañeira Lu teño cara de deseño animado… o q hai que ouvir… Di que de ningún en particular, simplemente de deseño animado, pero xa me teñen dito que teño certo parecido co Shin-Chan (nas cellas, non noutras cousas que anda mostrando por aí… ehem)

Será un paxaro? Será un avión? Non… son as katiuskas da Lucía postas a ventilar na fiestra…

Esta foto é de fai uns meses, cando fomos facer turismo a Santiago. Íamos pola rúa cando alguén veu unhas botas nunha fiestra e alguén dixo… “oes… e non son esas as botas da Lucía???” Así certa persona, q se da a casualidade de q e fotoafeccionado, tiroulle unha foto a ver… Pois ben, que falamos con ela e resulta q si, q eran as botas dela… Quen quere Páxinas Amarelas habendo botas nas fiestras???

Estas son as fotos de hai dous venres… Ese día veu Gabry Ponte á Hermo, pero o máis importante: tamén viñeron algúns amigos que estan co Fer en Compostela City…

Na foto, de esquerda a dereita: Fer, Borja, eu, Pedro (por diante), Orlando, Noela, Lara e Salus.

O individuo en cuestión era este:

Non sei que terá pero as rapazas da miña clase poñense tolas cada vez que escoitan falar del… será o nome??? En tal caso debe ser por “Ponte”, porque cando se fala de Gabri André non fan tanto caso hehehe =P

A todo isto… a ver se toman nota os de Vieiros cando fan os seus especiais sobre deporte… isto si que é deporte nacional e non Iván Raña… (graciñas, Kazu heheh)

Todo parece indicar q este vai ser o novo papa… mirade a noticia na Coz de Galicia e na CNN…

Quen gañará? O Madrid ou o Barça??? deixade as vosas apostas (eu vou polo barça). Os que perdan pagan!!!!

Hoxe veño de mala hostia… non, eu non vou falar da morte do Wojtyla, non vaia ser que os señores de Código Cero (non vou poñer ligazón a eles, non o merecen) me acusen de facer chistes malos ou algo asi, como pasou co blog da Vaca Profana… Vou falar máis ben do que eles, os “hiperrespectuosos” e os “super-mega-politicamente-correctos” fan deste acontecemento.
Resulta que uns meses atrás, cando varias bombas estouparon matando a 200 persoas (homes, mulleres e meniños), non nos permitiron baixar as bandeiras en sinal de loito, porq seica “son fixas” e “é imposíbel baixalas”. Pois ben, daquela serian fixas, pero hoxe ben q as baixaron e lles puxeron uns lazos negros. Eu dígolles a eses “hiperrespectuosos” que non creo q sexa tan importante a morte dun home q xa estaba en idade diso q a de 200 persoas q tiñan ainda unha vida por diante, e dígollo especialmente a eses q cando protestamos por iso aseguraron q “non se pode comparar a eses co papa” (todo iso sen deixar de dicir q en teoría é un colexio laico dun estado laico; q polo Aiatollah non hamos poder facer loito, creo…)

Dito queda.

A Ali e máis eu decidimonos a facer un blog xuntos a ver que tal sae o experimento, heheh. Primeiro blog galaico-brasileiro, creo… Din por aí que duas cabezas pensan mellor ca unha, entón se cadra sae algo bon del =). Sí… xa sei que a estética do blog non é moi boa… pero éche o que hai. O enderezo é:
http://alemdomar.blogeasy.com/
Esperemos que gostedes

Conseguimolo!!! por fin fixemos a caipirola!!! afortunadamente, levamos outras cousas pra beber. Alguns querían facer unha mestura con todo, botarlle incluso refresco de laranxa (como lle chamaríamos a iso??? Kas-pirinha???). Tiña un sabor estraño, custou acabala. Tivemos un erro bastante grande: quedounos a receita na casa. Tivemos que botar “a ollo” e claro… botamos mais augardente da que facía falla. Despois como non se tragaba tamén lle botamos azucre demais… ao final saiunos unha especie de veleno verde con mala apariencia hehe. O bon e que levabamos tamén Trina de mazá e vodka vermello, entón non pasamos sede, heheh. Fixémolo na igrexa vella de Muimenta, arriscandonos ante a posibilidade de que nos caese unha chanta na cabeza (ben a podiades restaurar, eh???).

Como podedes ver nas fotos estabamos: Cabana, Salus (coa xerra na mao), Borja, Víctor, Pedro, Fer e eu.

Isto é o q hai, non vos perdades o da semana q ven, que promete (Gabri Ponte e se cadra repetimos experiencia, pero dunha forma mais tradicional heheh)

Último intento… (pero non o derradeiro!!!) Tentaremos outra vez facer o botellón á brasileira, mais esta vez con organización. De momento non sabemos cantos vamos ser, nin que variedade vamos preparar, nin a que hora… pero sairá! De feito logo vamos ir facer as compras oportunas.

Por outra parte non deixedes de ver o ultimo post d’A Vaca Profana sobre nomes brasileiros, boísimo…
http://vacaprofana.blogsome.com/2005/03/31/onomastica-brasileira/

Eu decántome por: Graciosa Rodela D’alho

Por certo… para os fans de Xabier Cordal, (María, iso vai por ti) hoxe na clase de literatura estivemos aprendendo a facer un cocktail de leite con colacao e coñac. Impresionante o home este.