A horta do mil::

Resucito este blogue cumha proposta… venda-mos castanhas enlatadas no próximo partido da selecçom. Aqui vemos à típica fosforofa futboleira galega devorando à mascota da selecçom.

Lembrais esse anuncio de “agua mineral natural Cabreiroá”???? pois esta segunda estivem fazendo de zaorí
Praos incredulos direi q si… q funciona. Eu já o tenho feito muitas vezes e nom é nada novo pra mim, é tam fazil como fazer umha mini-forquita em forma de “V”, colhe-la ao reves e ver se gira pra diante ou pra detrás.

Demostraçom empírica é o que há… entom: Sabela, quando quiger eu fago-che a prova…

Polo demais nada novo… cada dia falta menos prao dia 3 (nom é o eclipse o que me preocupa hehe). Um saudo pr*s companheir*s e amig*s que começarom já e que nom se adaptam… já vereis como loguinho vos acostumais =)

Actualizaçom Esquezia: a vara tem de ser de salgueiro obrigado acedre

Depois dumha semana na caminha a 39.5 ºC e sem net por problemas tecnicos passou o inevitavel: Acavei vendo telenovelas (!!!!). Fazendo esforços sobrehumanos conseguim resistir-me a “Pasión de Gavilanes”, que via o Borja durante o seu periodo de baixa laboral (contou-mo a namorada dele haha); mas nom puidem resistir este exito televisivo: “Amarte así, Frijolito”

Esta semana so tirei fotos do Efferalgan e dos antibioticos heheh, que creio que nom som muito interesantes, entom nom as ponho. O melhor de todo e que agora tenho net . Chamei varias vezes pra que vinhessem arranja-la e até que nom chamou meu irmao nom vinherom… é curioso que todas as telefonistas (castelhano-falantes, como nom) tenhem algo em comum: problemas com a palavra “oito”. Cada vez que dizia eu “oito” tinha-lho que repetir 4 ou 5 vezes… Isso aconteçeu as tres vezes que chamei.

Polo demais todo assim… ailhado. Todos me perguntam se morrim haha.

Bom, agora vou-lhe botar o antibiotico ao bicho, que parez mentira que um bicho de 80 nanometros tenha assim a outro de 1′795 metros.

Que mais dizer??? é o de todos os anos por estas datas.
De pequeno sonhava com que as aulas começassem umha semana antes…

Na foto: Tere e Patri no momento da chegada… nom me deixam postar fotos, entom ponho estas nas que nom se lhes ve a cara hahaha.

Bom, este fim de semana foi a Gira em Vilalva… deu pra muito mas nom se pode contar, por desgraça… praos que gostais de saber a nossa vida direi varias cousas como resumo:

Caracteristicas da nossa choça

A nossa choça era pequena e muito escura. Constava dumha mesa com 2 bancos na zona de luz e umha zona chamada “O Picadeiro” formada por umha colcha e varios sacos de durmir (nom entro em detalhes de porque lhe chamavam assim, ja podeis imaginar! Muita acçom xD). Hoje ao lavar o meu saco (que, por certo… nom utilizei eu, nom penseis mal!) aparezerom umhas manchas sospeitosas… eu queria pensar que era oleo das empanadas…

Momentos estranhos que servem pra contar…

-O Picadeiro utilizou-se (além de pràs suas funçons proprias) pra durmir. Hora de levantar-se: O Borja apareze sem cinto e o Victor deitado junto olhando pra ele (o Victor deitara-se noutro lugar á noite haha)

-Sabado de manha: buscamos a choça de meu irmao e perdemo-nos
-Sabado pola tarde: buscamos a choça de meu irmao e perdemo-nos
-Sabado á noite: buscamos a choça de meu irmao e perdemo-nos, aparezemos justo do outro lado do monte (?)
-Domingo pola manha: buscamos a choça de meu irmao e perdemo-nos

-Domingo pola manha: Umha das empanadas que sobraram aparezeu toda fozada… Dessaparezera a metade. Há gente com fome…
-Domingo pola manha: Desapareze a garrafa do vodka

-Domingo pola tarde: Levamos as garrafas sobrantes prà choça de meu irmao pra q as guarda-se. Também iam os dozes da sobremesa. Algo mais tarde apareze gente comendo dozes e chega o Luis (que estava na choça com meu irmao) a convidar-nos… que casualidades…

Há cousas mais interessantes, mas nom se podem contar… achei a minha vergonha (!!!) . Se nom conto as minhas, muito menos as dos demais hehe.

Gastos Variados

-1 lanterna: 10 minutos e parou
-4 garrafas de contido variado: Algumhas desaparezerom misteriosamente, outras levamos-lhas aos amigos de meu irmao
-3 empanadas: comeu-se uma e desaparezeu a metade da outra.
-Muitos metros de cordel: Nom servirom pra nada
-3 lonas: prao q choveu nom se precisavam
-Dozes: A metade comero-nos os amigos de meu irmao hehe

O dia depois

Ontem fumos recolher e limpar todo. Além de passar-nos com as cervejas (ha que deixar-se do vicio pouco a pouco), fumos ver o que levaram outros pras suas choças, por curiosidade:

-As nossas vizinhas de 12 anos:

·Duas garrafas de tequila
·Uma garrafa de Martini
·Uma garrafa de vodka
·Duas garrafas de rom
·Outras 4 ou 5 garrafas que nom lembro…

(me deixarom assustado… nom sei como estam vivas)

-Os vizinhos de meu irmao:

·Sofá e frigorifico

-Outros por alá:

·Varios sofás
·Bauis
·Camas inteiras
·Colchoes

-Os da choça “club”

·Dous televisores
·Duas playstations
·Um cartaz luminoso que punha “club”
·Um equipe de musica

(um autentico hotel)

Bom, isto é todo o que se pode contar… desculpade por ocultar informaçom hahahaha

Hoje estivemos fazendo os ultimos preparativos da choça… estais tod*s convidad*s a vir ao nosso m/hotel hehe . Ao final nom utilizamos fieitos/fentos/felgos, senom que fumos comprar lonas praos lados… nom quedou muito lindo (ja ves Ali, falta a minha decoradora hahaha), mas serve. So falta varrer, levar a mesa, colocar o bidé, instalar o gas natural e por umha cozinha ecomonica “made in Irun”.

Temos um pequeno problema: Nom se ve dentro!!! (nem de dia nem de noite). Isso tambem tem vantagens , mas nom entremos em detalhes, ehemmmm…

“Girarei como a roda do muinhoooo,
girarei nas tuas augas de mulherrr…”

Hoje fumos proseguir as labores de construçom da nossa choça-cortelho prá Gira. Figemos em umha tarde o teito e começamos as paredes. Ao teito falta-lhe a lona, que colocaremos em sexta pra evitar possiveis cambios de destino da mesma. Ás paredes falta-lhes os felgos/fentos/fieitos que vamos atar aos cordeis/cordelhos (aqui cada um chamava-lhe dumha forma diferente a cada cousa e depois nom nos entendiamos…).

“Se nom há infraestruturas, fazemo-las nos”

Hoje, além, era a Gira da Terceira Idade (também chamada “a dos velhos”). Como é inevitavel neste tipo de celebraçons, o churrasco e a ensalada empurram-lhe á comida do dia anterior… o vinho fai inchar a bexiga… e centos de senhor*s buscavam refugio entre as arvores do monte. Em fim… que quedou aquilo como um campo de minas… (estou lembrando um post no Todo Nada sobre a cantidade de cuspe acumulado nas ruas de Valado City hehe, pena que nom o encontrei agora…). A verdade e que tinhamos que fazer esforços pra evitar que esses desaprensivos utilizasem a nossa choça de WC … “nom mijes ai, ho!!!!” e a verdade e que nom conseguimos… grrrrr… Porcos…

Na foto: tipico senhor “pilila-al-viento” expulsando o vinho do almorço a chorro

Desculpade, fotos de movel…

Onte fumos a Vilalva marcar territorio prá Gira deste ano hehehe. Nos dias seguintes teremos que fazer a choça.

Praos profanos na materia: A Gira é a tipica festa na que se fazem choças e se passa o final de semana lá comendo e bebendo até caer de cu no chao.

Alem de marcar territorio tambem tivemos alguns problemas com as fontes publicas hehehe, preludio do que possivelmente passe o final de semana. Este rapaz, que pareze que foi violado e deixado aí, foi vitima das fontes publicas… Juro que nom me vou da Gira sem um banho (na fonte… no rio se calhar afogo… o bacardi tira prao fundo)

Também temos que dezidir o que vamos comer. Falou-se de ensalada, pizza, hamburguesa… de todo junto… etc. Eu tenho a minha candidatura propria:

Empanada forever!!!!

O demais estes dias foi normal. Saimos o sabado, sexta nom. Fumos a Vilalva e vinhemos cedinho (eram as 8, minha mae quando se levanta ás 8 diz que se levanta cedo… entom nos deitamo-nos cedo tambem hehe ).
Por certo, minha grande amiga Ali reaparezeu!!! heheheh, ela esta estudando farmacia e nom sae da faculdade, tadinha… havia tempo que nom falavamos direito. Um beijao pra você, querida! :*********

Ala, cuidade-vos e cuidado com o whisky (especialmente os q vaiades á Gira, cuidado com ele que é fazil que vo-lo roubem , ja me contou meu irmao experiencias haha)

CLICA NAS FOTOS PRA VE-LAS TODAS

Aí acima tendes as fotos da viagem… meresce a pena ver, isso seguro… Bom, vou contar a historia da viagem hehe.

Há tempo que tinhamos pensado ir a algum lugar longe. Pensamos n’A Corunha, em Vila Garcia, em Compostela outra vez… mas um dia decidimos ir a Ponte Vedra. Depois de duas cancelaçoes e de umha semana de preparaçom, começamos a viagem.

—SABADO—

9:00 - Saimos e colhemos algumas cousas para o caminho, achando que iamos ir directamente á praia. Levamos umha empanada pra comer (si… ja sei que em PV tambem ha empanada… mas repito q achamos q iamos directamente á praia). Meu pai levou-nos a o Nando, o Pedro e a mim prá estaçom de buses de Lugo. O bus saia ás 9:45

9:45 - Estaçom de Lugo. Vemos que o Victor e o Borja nom chegam, pensamos que nos deixaram tirados e nom vinham, nom respondiam ao movel. Chegam in extremis e colhem o bus.

9:45 a 12:15 - Achega-se-nos umha loira muito impresionante… (todos abrimos os olhos como se fosse um prato de filhoas) da-nos publicidade dos testigos de Jehova (?) e vai-se; senta-se ao lado dumha freira e começam a filosofar. Vamos todo o caminho falando das nossas cousas.

12:15 - Chegamos a Ponte Vedra. O Fram e seu irmao estavam aguardando por nos. Como o Nando, o Victor e o Borja nom vinham preparados para ir á praia, forom com o irmao do Fram á sua casa deixar as malas e preparar-se. Mentras tanto o Pedro, o Fram e eu fumos dar umha volta pola cidade. Um pouco mais tarde voltam e fumos comer ao lado dumha igreja da qual nom lembro o nome (ha um santo com lentes, se isso vos serve pra identificar aos do lugar). Sobrou metade da empanada, q lha demos a um vagamundo que andava por lá (bem engraçado, por certo).

14:45 (acho) - Colhemos um bus pra Sangenjo, pra praia de Areas. Subimos as rochas todas mentras q digeriamos, corremos pola praia e finalmente metemo-nos na agua. Fumos os 6 numa barca dessas que andam a pedal (nom sei o nome, chamemos-lhe “piscicleta”). Bom, a piscicleta levantava-se dos lados ao mover-se a carga, cheguei a pensar q davamos a volta. Voltamos pras toalhas, diante de nos havia umhas portuguesas que cada vez q nos ouviam dizer “caralho” ou “merda” olhavam pra nos (somos grosseiros, eu sei…). Eram velhas demais pra nos hehe, q pena, mas quando nos fumos chegamos umhas da nossa idade grrrr…

20 e pico - Depois de buscar durante meia hora a parada do bus, achamo-la e colhemos o ultimo bus pra PV. Chegou o irmao do Fram no carro e fumos os 7 nele prá sua casa uns acima doutros, o Pedro quase me parte umha costela.

20 e pico e algo mais - Chegamos á sua casa. Receveu-nos primeiro a sua cadelinha Rosinha, um cao-foguete. Depois receveu-nos a sua avo, Mercedes, umha mulher que nos tratou como deuses… Lavamo-nos e preparamo-nos, ouvimos um pouco a radio portuguesa (por curiosidade, aqui nom a colhemos… houvo umha epoca em que na minha casa se via na TV a RTP… mas nom foi muito tempo). Iamos sair pra PV quando dona Mercedes nos diz “Nom vos vais sem comer!”. Nom queriamos, mas como viamos que ela se ofendia se nom aceitavamos, comemos. Deu-nos toda classe de cousas pra meter no sanduíche, umha garrafa com Coca-Cola e outra com agua… mas quando viu q todos bebiamos agua nos obrigou a beber coca heheh. Bom, em definitiva, nos cevou. Foi muito bonzinha connosco, ha q fazer-lhe um monumento!

—- DOMINGO —-

0:00 - Saimos pra PV, ainda que dona Mercedes queria que fossemos pola estrada, o Fram a enganou e fumos polo meio do monte, por uns atalhos. De caminho o Fram rouvou um garelo de milho q aparezeu em PV mais tarde na porta dum bar. Fugimos do Nando e o Victor e deixamo-los sos hehehe, quase nos matam quando aparezemos de novo.

0:00 a 6 e pico - Estivemos na festa e de pubs. Nom encontramos pubs com jeito, chegamos de vinho ate as orelhas. Havia bandeiras “rojigualdas” com touros por todas partes, polo q nos compramos uma de Galiza (com estrelinha, como nom ). Paseiamos com ela por ai. Concluimos pensando que fora melhor sair a Sangenjo hehe. Ainda assim compensou.

6 e pico - Sanduíche de manhanzinha e marcha de 5km de volta pra lugar Bora, onde mora o Fram. Pensei nom chegar… entre o sono, o cansanço e o bacardi chegou-me bem. Chegamos e sentamos numas cadeiras fora, adormeçim e case caio de cabeça no chao. Colhemos a toalha da praia, extendemo-la num pedaço de prado que tem o Fram ao lado da casa, colhemos as mochilas como traveseiros, e a durmir. Fazia um frio de caralho. Durmim bem apesar de que a cadela do Fram nom deixava de lamber-me as orelhas… quando chegou o irmao do Fram e nos veu lá tirados espertamos e alguem berrou “isto nom e o que pareze… nom estamos cheios”. Pouco depois esperto outra vez com o movel: hora de ir-se.

8 e pico - Taxi prá estaçom. Colhemos o bus de volta. Durmim o 90% do caminho. O Pedro nada, o Victor so uns instantes (achamos que estava lendo a revista dos testigos de Jehova, mas estava durmindo com ela diante… bom remedio prao insomnio), o Borja algo, o Nando bastante.

12:30 - O tio do Nando nos leva á casa desde a estaçom. Cheguei, comim, e quase caio com o sono na cozinha. Caim ao travesso na cama e quase me quedo, mas minha mae me fez deitar-me com jeito.

20:30 - Esperto, como e chamo o Pedro… saimos outra vez o domingo á noite.

0:30 - O Pedro me recolhe. Saimos todos. Estavam tambem a Clara, a Tere e a Neli. O Pedro da-se conta de que lhe falta dinheiro, mas nom de que lhe falta a calça… o Fram liga prao Nando e diz-lhe que o Pedro deixou todo lá.

6 e pico - Voltamos. Mijar e prá cama.

Nom só servem prao que servem… também servem pra mais cousas.

Terei que provar com as minhas vacas.

(Roubado do Olho Bem Aberto , blogue portugues ao que lhe vou por umha ligaçom porque o achei engraçado hehe)